Сирени 14.12.2008 во 21:30ч во Кино Фросина

Нејзиното име е Алиса и таа живее покрај море. Нејзиниот живот е релативо обичен. Таа сонува за балет, а има пеено во детски хор и учено во училиште за ментално заостанати деца. На шестгодишна возраст престанала да говори. На седумнаесет години се сели во Моска, а точно на осумнаесет го запознава Него и исчезнува. Вакви нешта се случуваат во големите градови монгу често.

Читај повеќе...

Болката на г-ѓа Шнајдер 14.12.2008 20:30ч во Кино Фросина

Базиран на вистинска приказна, филмот е поставен
во 1961 год. Група на студенти од Филмската Академија
во Прага, снимаат филм за фабрика за мотори во Чешки
Штернберг, а филмот претставува нивна дипломска
работа.

http://www.balkaninsight.com/en/main/life_and_style/8469/

Конфронтацијата на боемизмот на овие млади
режисери и нивната чувствителна перцепција за чешката
природа, каде среќаваат голем број на луѓе како: гроф,
управник на полициска станица, директор на хотел,
раководител на фабрика итн., гради едно ниво во самата
приказна.

Другото ниво во приказната е личната драма на еден
албански студент (Леке), кој доаѓа од земја потполно
изолирана од остатокот на Европа. Тој е растргнат помеѓу
чувството на солидарност за неговата земја и семејство,
особено неговата мајка, и помеѓу неговата маѓепсаност
од начинот на живот, еротската разновидност и
безгрижност на чешката “млада, златна генерација”.

Страствената љубов на протагонистот кон постара
жена (г-ѓа Шнајдер), која е жена на управникот на
полициската станица, го гради главното ниво во
приказната.

Читај повеќе...

Мао Це Тунг 14.12.2008 во 17ч во Кино Фросина

Поводот за бизарниот хумор на оваа балканска комедија е животот во Албанија во 1970, од гледиште на римскиот општински управник Хекуран Ромалини. Граѓаните на едно јужно гратче се вознемирени од немирниот цигански камп покрај реката.

Во интерес да се избегне конфликт со локалните власти, Хекуран одлучува да го крсти своето девето дете по еден од тогашните албански сојузници – Големиот Хелмсман Мао.

Читај повеќе...

Дом, 13.12.2008 во 21:30 во Кино Фросина

Празен автопат кој оди во недоглед, среде мирно пустинско место. Изграден пред многу години останал неупотребуван и полека се распаѓа. Само на неколку метра од оградата на автопатот постои осамена куќа со мала градина. Во куќата живее семејство. Летото почнува, а со тоа и работата: автопатот да се врати во употреба...

Читај повеќе...

Глад 13.12.2008 во 19ч Кино Фросина

Рејмонд Лохан Веарли ја извршува својата редовна рутина: тој е обичен човек, кој во 1981 год. работи како затворски службеник во затворот Меиз во Северна Ирска. Работи во озлогласениот дел на затворот – Х, каде што републиканските затвореници се на протест со глад и самиот протест претставува прав ужас како за затворениците така и затворските
службеници. . .

Читај повеќе...

„Келнер“ 13 декември 2008 во 20:30 ч. во кино Милениум

„Келнер“ е холандски филм од 2007 година. Оваа комедија е во режија и сценарио на Алекс ван Вармедам (Alex van Warmerdam), а покрај него во филмот играат и Ариана Шлутер (Ariane Schluter), Јап Спијкерс (Jaap Spijkers), Марк Ритман (Mark Rietman), Текла Ројтен (Thekla Reuten) и Кес Принс (Kees Prins).

Мизерна работа во запуштен ресторан, жена која е постојано болна, недруштвени соседи и вонбрачна афера која нуди само малку повеќе од обично сексуално задоволство. Педесет и тригодишниот Едгар веќе не може да го поднесе своето мизерно постоење. Сака да ја напушти својата жена, сака нова девојка, сака нови соседи, и сака гостите да го треетираа подобро од сега. Но, тој ќе дознае дека животот е почуден од фикцијата.


Структуриран како филм во филм, оваа луцидна, смешна и возбудлива приказна е многу повеќе од обичен заплет.


Филмот трае 90 минути.

Читај повеќе...

Џеки Браун, 12 и 13 декември 2008 г. во 20ч. [Кинотека]

Џеки Браун е крими филм од 1997 напишан и режиран од Квентин Тарантино.

Сценариото е напишано според романот Рум пунч на американскиот романописец Елмор Леонард. Иако Тарантино има направено значајни промени во приказната и ликовите, филмот сепак позајмува значаен дел од содржината на романот. Пем Гриер ја толкува Џеки Браун, средовечна стјуардеса која е придобиена од агентот Реј Николете (Мајкл Китон) за да помогне да се фатат Ордел Роби (Семјуел Л. Џексон) и неговите соработници кои криумчарат оружје.

Во стилот на Тарантино, филмот изобилува со насилство и профаности иако голем дел од насилството не се гледа на екранот. Треба да се забележи ангажманот на Пем Гриер и Роберт Форстер, актерски ветерани на кои овој филм им помогнал да ги ревитализираат своите кариери. Роберт Де Ниро и Мајкл Китон иако биле ѕвезди добиле споредни улоги. Филмот, во некоја мерка е омаж на „блексплоатациски“ филмови од минатото, каде Гриер често глумела. Музиката на филмот исто така потсетува на тој жанр. Филмот бил прифатен од критиката, каде Форстер заработил номинација за „Оскар“, а Џексон и Гриер биле номинирани за „Златен глобус“.

Поставен во Лос Анџелес во 1995 година, Џеки Браун (Пем Гриер) е стјуардеса во мала мексиканска авио компанија, последниот пад во нејзината кариера во авионската индустрија. Покрај ниската плата, нејзината работа и овозможува да криумчари пари од Мексико во САД за Ордел Роби (Семјуел Л. Џексон), шверцер на оружје под присмотра на полицијата.

Филмот трае 154 минути.

(Никулец на мк.Википедија)

Читај повеќе...

Клас, 12.12.2008 во 20:30 ч. во Фросина

Па...случајно дознавме дека денес почнува и Cinedays. Филм на отварањето е францускиот кански победник „Клас“. Цена на отварањето е 300 ден. :)

Франсоа и неговите колеги – професори се подготвуваат за новата учебна година во средно училиште, кое се наоѓа во насилничко маало. Вооружени со најдобри намери, тие се потпираат меѓусебно еден на друг недозволувајќи обесхрабрувањето да ги запре од обидот да им пружат на нивните ученици најдобра едукација.

Во класот многу често доаѓа до судир на однесувањето и културата, што го претставува микрокосмосот на модерна Франција. Колку што може стдентите да бидат забавни и инспиративни, исто толку нивното несоодветно однесување може да го загрози ентузијазмот кај професорот, кој и така не е соодветно платен.

Франсоа инсистира на работна атмосфера и заемно почитување. Тој не е ниту стог ниту ригорозен, и неговата необична искреност ги изненадува учениците. Но, неговата наставна етичност се тестира кога учениците почнуваат да ги тестираат неговите
методи. . .

Читај повеќе...

Оливер, 12 декември 2008 во 20:30 ч. [Милениум]

„Оливер“ е холандски филм од 2007 година. Режисер на филмот е Сандер Бургер (Sander Burger). Улогите ги играат Драган Бакема (Dragan Bakema), Хуп Адмирал (Joop Admiraal), Ханс Дагелет (Hans Dagelet), Ноел Којлен (Noël Keulen), Мариа Кракман (Maria Kraakman) и Олга Цуидерхук (Olga Zuiderhoek).

Оливер е роден со сериозна срцева мана. Со такво заболување никој не може да живее повеќе од триесет години. Тој се бори со својата болест така што ужива најмногу што може во секој момент од својот житот.

Но, неговиот живот драстично се менува кога еден вешт доктор успешно го оперира неговото срце. Неговите пријатели се среќни поради тоа. Но Оливер сега е соочен со иднината за која никогаш не помислил. Истовремено, неговите пријатели сметаат дека тој ќе почне да има друг пристап кон својот живот. Сепак, за него, ништо во неговиот нов живот не изгледа нормално. Оливер се чувствува како жртва.

Филмот трае 90 минути.

Читај повеќе...

Кратки холандски филмови, 10 декември 2008 во 20 ч. [ФДУ]

Во рамките на деновите на холандскиот филм, четири крати филма ќе бидат прикажани на Факултетот за драмски уметности.

„MissiePoo16“ е десетминутен филм снимен во 2007 година од Ана ван дер Хајде.

Овој филм е брилијантент потрет на модерните тинејџери кои ги живеат своите животи на страниците за социјално вмрежување и комуницираат преку соби за разговоро и веб-камери. Приказната која тинејџерката ја раскажува на својата веб-камера е досетлива и веродостојна.

Филмот е награден на Холандскиот филмски фестивал.

---

„LE DERNIER CRI“ е триминутен филм до 2006 година на Ервин Олаф.

Во оваа експериментална кратка комедија, режисерот Олаф размилува за променливете вредности за убавината и модата. Една домаќинка од предградието го припрема својот дома за собир и се грижи сѐ да биде беспрекорно и на свое место.

---

„Желба“ на Маргиен Рогар е краток филм од 2007 година. Овој дестеминутен филм ја раскажува приказната за младо момче кај кое се раѓа желба за таткото на неговиот најдобар/а пријател/ка.

---

„Контакт“ е десетминутен филм на Ханро Смитсман. Снимен во 2006 година, филмот раскажува како малите, неважни моменти имаат големи последици. Филмот е награден на Берлинскиот филмски фестивал.

---

Влезот во салата на ФДУ е слободен.

Филмовите ќе се прикажуваат и пред долгометражните филмови на 14 и 16 декември во кино Милениум.

Читај повеќе...

Убиј го Бил 1 на 7 и 9 декември и 2 на 10 и 11 декември 2008 г. во 20 ч. [Кинотека]

Убиј го Бил (англиски: Kill Bill) е четвртиот филм на сценаристот-режисер Квентин Тарантино. Оригинално замислен како еден филм, тој бил издаден како два посебни дела во есента 2003 и во пролетта 2004 поради времетраењето од приближно четири часа. Филмот претставува драма за одмазда со епички размери, базиран на поранешни филмски жанрови како што се хонгконшките боречки филмови, јапонските самурајски филмови и италијанските шпагети вестерни. Филмот е исполнет со популарна музика, постојани референци на поп-културата и намерно прекумерно насилство.

Убиј го Бил е една приказна, поделена во две изданија со по пет „подглавија“ во секое, презентирани преку нелинеарен стил, што е карактеристично за филмовите на режисерот Тарантино.

Читај повеќе...