Проекции: 21.05.2014 (среда), 12.00 и 20.00 часот

БУФ - ФЕСТИВАЛ НА ГЕРМАНСКИ ФИЛМОВИ ЗА ДЕЦА

„Големиот сон“

Брауншвајг, 1874 г. Во времето кога училишното образование е проследено со голема дисциплина и речиси воена строгост, младиот наставник по англиски јазик Конрад Кох предлага револуционерен метод на учење. Тој ги предава јазикот и културата на неговиот предмет со помош на фудбалот, што претставува едвај позната спортска дисциплина што ја запознал во Англија. На тој начин, сака да го зајакне тимскиот дух на неговото одделение. Оваа педагошка мерка наидува на негодување кај неговите колеги, политичките претставници на градот и неколку многу влијателни родители. Тие се обидуваат да се ослободат од Кох и во тој момент учениците решаваат нештата да ги преземат во свои раце. Приказната се базира на вистински настани.



(Der ganz große Traum)
игран филм, Германија
2011, 113 мин., колор, ДВД

режија: Себастијан Гроблер (Sebastian Grobler);
сценарио: Себастијан Гроблер, Раул Б. Рајнерт (Sebastian Grobler, Raoul B. Reinert);
улоги: Даниел Брил, Бургарт Клауснер, Томас Тиме (Daniel Brühl, Burghart Klaußner, Thomas Thieme).