МИМИЦА И БАУЕР: Гостување на Хрватската кинотека во Скопје и Битола

„Прометеј од островот Вишевица“

Мате Бакула, средовечен директор на едно загрепско претпријатие, заедно со својата сопруга по многу изминати години повторно се враќа на родниот остров Вишевица. На островот треба да се постави спомен-плоча за паднатите борци од НОВ, а Мате, како првоборец е повикан да одржи церемонијален говор по тој повод. Повторно минувајќи низ познатите улици, Мате се присеќава на минатото, кога со своите прогресивни идеи сакал да го забрза развојот на средината, но мештаните упорно му се спротивставувале. По таа исцрпувачка борба, разочаран тој го напуштил островот...



(Prometej s otoka Viševice)
игран филм, Хрватска
1964 година, 95 мин., црно/бел, 35 мм

режија: Ватрослав Мимица (Vatroslav Mimica);
сценарио: Славко Голдштајн, Ватрослав Мимица, Крунослав Кујен (Slavko Goldstein, Vatroslav Mimica, Krunoslav Quien);
улоги: Јанез Врховец, Мира Сардоч, Слободан Димитриевиќ, Дина Рутиќ, Павле Вуисиќ (Janez Vrhovec, Mira Sardoč, Slobodan Dimitrijević, Dina Rutić, Pavle Vuisić).