КИНО УТРО: ВОЛШЕБНИОТ СВЕТ НА БРАЌАТА ГРИМ - Втор дел

„Златокоса“

Уште пред да се роди, малата Рапунзел и’ е ветена на вештерката која живее веднаш до нејзините родители. Рапунзел ќе порасне во убава девојка и вештерката ќе ја затвори во една кула среде шумата - кула во која нема ниту врата, ниту скали, и во која никој не може да влезе. Кога вештерката ќе посака да ја посети својата затвореничка, ќе и’ нареди да ја префрли преку прозорецот долгата плетенка од нејзината прекрасна руса коса, и така јазејќи се по плетенката, вештерката успева да се качи горе во кулата. И така се јази секој пат кога доаѓа да ја посети заробената Рапунзел. Но, еден ден низ шумата ќе мине принцот, ќе го слушне пеењето на Рапунзел и ќе се обиде да ја најде убавицата.



(Rapunzel)
игран филм, Германија
2009 година, 58 мин., колор, ДВД

режија: Бодо Фурнајзен (Bodo Fürneisen);
сценарио: Олаф Винклер, Николас Јакоб, според приказна на Јакоб и Вилхелм Грим (Olaf Winkler, Nicolas Jacob, Jacob Grimm, Wilhelm Grimm);
улоги: Сузане вон Борсоди, Луиза Вицорек, Антје Вестерман (Suzanne von Borsody, Luisa Wietzorek, Antje Westermann).