Снимено во период од единаесет години, долгометражното режисерско деби на уметникот и фотограф Стивен Себринг претставува оригинален и интимен портрет на легендарната пејачка, музичарка, поетеса и активистка. Филмот е своевиден поглед низ клучалка во филозофијата и уметноста на Пети Смит, следејќи ги нејзините почетоци како панк-икона во осумдесеттите преку предизвиците на секојдневниот живот и прераната смрт на нејзиниот сопруг Фреди „Соник“ Смит од МC5 и смртта на братот Тод. Преку прекрасната фотографија (црно-бела и во боја), Себринг ја доловува сржта на природата на оваа витална и мошне значајна американска уметница. Трогателна посвета, едновремено моќна, забавна, сурова и оригинална...каква што е и главната протагонистка во филмот.