Фатих Акин е германски режисер, сценарист, актер и продуцент. Се вбројува во интернационално најпознатите режисери од младата генерација во Германија. Неговите филмови, кои се многупати наградувани, постојано го тематизираат конфликтот што постои помеѓу неговото турско потекло и неговиот живот во Германија.  


„Минувајќи го мостот - Звукот на Истанбул“ (Crossing the Bridge - The Sound of Istanbul), 3* и 4** јуни (среда и четврток), 20ч.

Филмот го документира разновидниот и фасцинантен музички живот во турската метропола. Фатих Акин, кој е режисер и сценарист на филмот, го придружува Александер Хаке, музичар и басист во групата Einstürzende Neubauten, на патувањето низ музичкиот свет.

Филмот е снимен во 2005 година и трае 90 минути.


* На наше големо задоволство, гости на проекцијата ќе бидат групите Baba Zula и Orient Expressions кои следниот ден (4 јуни, четврток) имаат настап во рамките на овогодинешниот Оф фест.  
** На 4 јуни ќе има две проекции, во 18 и во 20 часот.