„Песочен часовник“ (Hourglass), 17ч.

Во фокусот на филмот се Андреас Сем, млад писател кој трага по своите корени, и неговите спомени за татко му кој исчезнал во виорот на Втората светска војна. Како што копа по лавиринтот на минатото, наместо одговори, наидува на се` повеќе прашања. Така, патувањето во минатото, кое започнува и завршува во минатото, станува каталог на чувствата, сомнежите, беспомошноста и бездомништвото на еден човек од средноисточна Европа кој е постојано меланхоличен и сака да припаѓа некаде или некому, иако живее меѓу различни култури и цивилизации каде честопати е во позиција на малцинство. „Песочниот часовник“ ја соочува публиката со паранојата од оживеаниот национализам и последиците од идеолошкото слепило. 

Филмот трае 104 минути.


„Време без војна“ (Time without war), 19ч.

Фидан е млад човек кој живее и работи во градот. Татко му Дичо е селанец кој се борел во војната и во револуцијата, а кој по војната ја застапува идејата за колективизација и индустријализација на селото. Иксрено верувајќи и работејќи на тоа, Дичо се судрува со повеќето од селаните, но најжестоко се конфронтира со својот најдобар пријател, соборец и побратим Лазар. По пропаѓањето на задругарството, Дичо заминува од селото. Кога ќе почине, Фидан му ја исполнува желбата и го закопува во родното село. Додека е таму, Фидан се обидува да се најде себеси и да се снајде во новата средина, со новиот ангажман во сточарството кој е за него голем предизвк, како и во контактите со новите луѓе. Тука и се заљубува во девојката Благуна, ќерка на Лазар, која наскоро станува негова жена. Полетен, Фидан се занимава со одлгедувањето на овците, иако соселаните го гледаат со недоверба. Законите на пазарот се немилосрдни и во тамошните услови, тој не успева да ја реализира својата замисла. Така, тој се враќа во татковото огниште, но не го наоѓа посакуваниот мир.

„Плати и жени“ (Cash and Marry), 21ч.

Млади луѓе од Балканот заминуваат во Австрија со студентски визи. Наместо да се вратат дома каде ги чека неизвесната иднина на транзициските земји, овие мажи плаќаат од 7.000 до 12.000 евра за австриски „сопруги“, со надеж дека така ќе добијат австриско државјанство. Токму ова го прави и самиот режисер - заминува за Виена и го документира целиот процес. Ќе се обиде да дознае зошто луѓето го прават ова, ќе ги претстави своите причини, ќе си најде „жена“ и ќе организира лажна венчавка.


Филмот е во режија е на Атанас Георгиев и трае 70 минути.