Чествувањето на бардот на македонската кинематографија ќе ги опфати проекциите на документарниот филм „По пат одам, за пат прашам“ и на играниот филм „Време без војна“.
Проекциите ќе се одржат во Кинотеката на Македонија на 29 април (среда) со почеток во 19 часот.

Пред почетокот на филмот, на семејството на починатиот синеаст ќе му биде доделено признанието Златен објектив, кое Кинотеката секоја година им го доделува на автори кои дале исклучителен придонес кон македонската кинематографија.

Во чест на Бранко Гапо, во Кинотеката е поставена и изложба посветена на неговото творештво.