„Кралеви на патот“ зборува за врската што се развива помеѓу двајца мажи – мајсторот за филмски проектори Бруно и психички нестабилниот Роберт – додека патуваат во камион по прашливите патишта на границата меѓу Источна и Западна Германија. И двајцата се осамени, и двајцата копнеат за женско друштво. До крајот на патувањето, наоѓаат утеха во фактот дека со текот на времето, нивните животи добиле некаква форма и значење.

Филмов е тивка лирична приказна за тешкотиите во комуникацијата, за американизирањето на германскиот животен стил и за судбината на германскиот филм, која јасно се согледува преку бројката на киносали кои или се затворени или решиле да прикажуваат неквалитетни филмови за да не затворат.

Im Lauf der Zeit/ Kings of the Road
игран филм/ колор/ ДВД/ 175`
Западна Германија
1976 година

Сценарио: Вим Вендерс
Директор на фотографија: Роби Милер, Мартин Шафер
Улоги: Рудигер Волер, Ханс Зихлер, Лиза Кројцер, Рудолф Шиндлер, Маркард Бом