Култниот филм „Американскиот пријател“ е заснован врз новелата „Играта на Рипли“ на Патриша Хајсмит. Во 1977 година се закити со Наградата на германската критика.

Џонатан изработува рамки и верува дека боледува од некоја болест на крвта. Неговиот американски пријател, каубојот Рипли, решава да ја искористи неговата болест. Рипли го запознава со еден гангстер, кој му предлага да стане професионален убиец, со што ќе заработи доволно за да ги осигура сопругата и децата по смртта. И што може да изгуби кога и вака и така го чека смрт?
Отпрвин Рипли има намера да му дозволи на Џонатан да си ги „валка“ рацете, но се премислува откако ќе се спријателат...

Der amerikanische Freund / The American Friend
игран филм/ колор/ ДВД/ 125`
Западна Германија/Франција
1977 година

Сценарио: според романот на Патриша Хајсмит, Вим Вендерс
Директор на фотографија: Роби Милер
Улоги: Денис Хопер, Бруно Ганц, Лиза Кројцер, Жерар Блан, Николас Реј