Проекции: 16.07.2014 (среда), 21.00 часот

СКОПСКО ЛЕТО ВО КИНОТЕКА

„Аватар“

Џејк Сали (Сем Вортингтон) е поранешен маринец, ранет во претходни борби на Земјата и парализиран од половината надолу. Тој е одбраниот да учествува во програмата Аватар што ќе му овозможи повторно да прооди. Џејк патува на Пандора, вонземна месечина прекриена со џунгли, која е дом на Нејви, чувствителен хуманоид, физички многу посилен од луѓето, иако се чини примитивен. Висок три метри, со опаш и со блескава сина кожа, Нејви живее во хармонија со недопрениот свет. Луѓето, не можејќи да дишат на Пандора, создаваат генетски хибрид - Аватар - контролиран од човечка технологија. Џејк ќе прооди на Пандора низ неговото ново Аватар тело. Но, запознавајќи ги најблиските на Нејви, Џејк ќе се најде во дилема на чија страна да застане во епската битка која треба да одлучи за иднината на светот.



(Avatar)
2009 / САД / Велика Британија
режија и сценарио: Џејмс Камерон (James Cameron);
улоги: Сем Вортингтон, Зое Салдана, Сигурни Вивер, Мишел Родригез (Sam Worthington, Zoe Saldana, Sigourney Weaver, Michelle Rodriguez).