ЦИКЛУС ФИЛМОВИ НА КАРЕН ШАХНАЗАРОВ

Како најава за претстојниот фестивал CINEDAYS, вечерва започнува ревијата филмови на еден од најистакнатите руски режисери, Карен Шахназаров, со филмот „Белиот тигар“ од 19.00 часот во кино Фросина во Младински културен центар - МКЦ.

„Белиот тигар“

За време на Втората светска војна се чини дека руските тенкисти водат паралелна војна против своите германски колеги. Т.н. „Бел тигар“ е германски тенк за кој веќе почнуваат да се испреплетуваат легенди - дека се појавува од никаде и одненадеж, дека е несовладлив, дека никој не може да го победи. Наредникот Најденов од Црвената Армија е опседант со германскиот тенк. За него војната нема да заврши сè додека не го уништи „Белиот тигар“.



(Белый тигр / White Tiger)
игран филм, Русија
2012, 104 мин., колор, ДВД

режија: Карен Шахназаров (Карен Шахназаров);
сценарио: Александар Бородјански, Карен Шахназаров, според роман на Илја Бојашов (Александр Бородянский, Карен Шахназаров, Ильа Бояшов);
улоги: Алексеј Вертков, Виталиј Киштенко, Валериј Гришко, Александар Вахов, Виталиј Дорџиев (Алексей Вертков, Виталий Кищенко, Валерий Гришко, Александр Вахов, Виталий Дорджиев).