„Концерт“

Некогашниот диригент Филипов, а сега чистач во Бољшој театарот, се надева дека ќе ја обнови својата кариера. Кога ќе дознае дека театарот Шатле во Париз испратил покана за настап до оркестарот на Бољшој, тој ќе смисли луциден план - ќе ги собере своите некогашни музичари и ќе ги претстави како оригинална постава на Бољшој. Од Французите, пак, ќе побара да му ја обезбедат како соло-изведувач врвната виолинистка Ан-Мари Жаке. Филипов се надева дека ќе го диригира Чајковски како никој досега, но и дека на младата Жаке ќе ù ја открие тајната за потеклото на нејзините родители кои некогаш свиреле во неговиот оркестар.



(Le concert / The Concert)
игран филм, Франција / Италија / Романија / Белгија / Русија
2009, 119 мин., колор, 35 мм

режија: Раду Михаилеану (Radu Mihaileanu);
сценарио: Раду Михаилеану, Алан-Мишел Блан, Ектор Кабељо Рејес, Тијери Дегранди (Radu Mihaileanu, Alain-Michel Blanc, Héctor Cabello Reyes, Thierry Degrandi);
улоги: Алексеј Гусков, Мелани Лореа, Валериј Баринов, Дмитри Назаров, Ана Каменкова (Aleksey Guskov, Mélanie Laurent, Valeriy Barinov, Dmitiy Nazarov, Anna Kamenkova).