СКОПЈЕ ПРЕД И ПО ЗЕМЈОТРЕСОТ (ВТОР ДЕЛ)

„Град на човековото препознавање“

Филмот е посветен на Скопје, на неговиот развој низ векови, на борбата против разните окупатори и природните стихии, за посетите на претседателот Тито, за сè она што било значајно во неговиот развој.

документарен филм, Македонија
1972, 44 мин., колор, 35 мм
режија и сценарио: Трајче Попов



„Темели на солидарноста“

Репортажа за посетата на Јосип Броз Тито и полските функционери Гомулка и Циранкиевич на Скопје во 1965 година. При посетата на високите гости од Полска им беше предадена повелба со која се прогласени за почесни граѓани на Скопје. Разгледување на новите урбанистички решенија на градот, скици и макети. 

документарен филм, Македонија
1966, 14 мин., црно-бел, 35 мм
режија и сценари: Трајче Попов



„На двата брега на Вардар“

Репортажа за градот на двата брега на реката Вардар, за Скопје, кој забрзано се гради и индустријализира и добива физиономија на метропола. Камениот мост ги поврзува двата брега на Вардар, односно Старата чаршија и плоштадот „Маршал Тито“ и претставува една од најфреквентните сообраќајни артерии во градот.

документарен филм, Македонија
1959, 38 мин., колор, 35 мм
режија: Еман Канера
сценарио: Славко Јаневски