МИМИЦА И БАУЕР: Гостување на Хрватската кинотека во Скопје и Битола

„Каја, ќе те убијам!“

Во малото приморско гратче се живее по вообичаениот ритам. Децата бучно си играат низ уличките, рибарите одат по риба, господата се шетаат и се поздравуваат на главниот плоштад, момците се дружат и пеат. По италијанската окупација во 1941 година, сè ќе се смени. Во гратчето владее насилството. Жителите повеќе не излегуваат надвор од своите домови, на главниот плоштад шетаат само усташите, а уличната врева не доаѓа од детската игра туку од војниците, коишто ги ловат оние што се против окупаторскиот режим. Довчерашните пријатели и соседи сега се непријатели. Младиот Пјеро, сега „црнокошулаш“, ќе реши по секоја цена да го убие локалниот дуќанџија Каја, за кого верува дека соработува со движењето на Отпорот.



(Kaja, ubit ću te!)
игран филм, Хрватска
1967 година, 80 мин., колор, 35 мм

режија: Ватрослав Мимица (Vatroslav Mimica);
сценарио: Крунослав Кујен, Ватрослав Мимица (Krunoslav Quien, Vatroslav Mimica);
улоги: Заим Музаферија, Углеша Којадиновиќ, Антун Налис, Јоланда Ѓаќиќ, Изет Хајдархоџиќ (Zaim Muzaferija, Uglješa Kojadinović, Antun Nalis, Jolanda Ðačić, Izet Hajdarhodžić).