Блогот Кинотека е неофицијално огледало на филмската програма на Кинотеката на Македонија и, понекогаш, на некои други филмски настани.

Нов холандски документарeн и Циклус јапонски филм: „Младите девојки од Изу“, 25.04.2012 (среда), 18.00 и 20.00 часот

Проекции: 25.04.2012 (среда)

18.00 часот - НОВ ХОЛАНДСКИ ДОКУМЕНТАРЕН ФИЛМ

„Монтажа“

Последен дел од трилогијата во која експерименталниот автор и истражувач Зоот Деркс ја става под прашање употребата на технолошките временски линии на еден филозофски и уметнички начин. Истражува какви последици има употребата на таквото програмирано течение преку сместување на видео слики во историски контекст, со што создава моментално минато. Деркс своите перформативни видео инсталации ги истражува заедно со публиката.

Mont-Age
документарен филм / 2011 година / 20 минути / колор / Дигитал Бета
Холандија
режија: Зоот Деркс (Zoot Derks).

„Правдата на продажба“
Адвокатот Клодин Цонго ја губи вербата во правниот систем на Конго. Смета дека системот е корумпиран, ги бара виновниците, одговорните, се залага за бесправно осудените. Исходот од случајот на кој работи е заплеткан, сослушувањата се формалност, а казните затвор се доделуваат без факти и докази. Благодарение на меѓународните НВО-а, ваквите пропусти во системот се посочуваат во надеж дека еден ден ќе бидат коригирани.

Justice for Sale
докуменатрен филм / 2011 година / 83 минути / колор / Дигитал Бета
Холандија
режија: Фемке ван Велцен, Илсе ван Велцен (Femke van Velzen, Ilse van Velzen).



20.00 часот - ЦИКЛУС ЈАПОНСКИ ФИЛМ

„Младите девојки од Изу“

Еден татко на две девојки во својата куќа прима како гостин офицер од јапонската армија. Меѓу офицерот и една од ќерките се развива љубов, но таткото, Бункичи, е слеп за тоа што му се случува пред очи. Напротив, тој го посочува офицерот како погоден кандидат за сопруг на ќерката на управникот на локалната компанија. И сега сите му се лути - и ќерките, и офицерот, и роднините, и соседите, па дури и ќерката на управникот. Сакајќи да стори добро, Бункичи на сите им ги нарушува плановите.


The Young Women of Izu / Izu no musumetachi
игран филм / 1945 година / 74 минути / црно-бел / 35 мм
Јапонија

режија: Хеинозуке Гошо (Heinosuke Gosho);
сценарио: Тадао Икеда, Шохеи Такеи (Tadao Ikeda, Shohei Takei);
улоги: Реикичи Кавамура, Мицуко Миура, Момоо Шимото (Reikichi Kawamura, Mitsuko Miura, Momoo Shimoto).

0 comments:

 
Кинотека. Design by Wpthemedesigner. Converted To Blogger Template By Anshul Tested by Blogger Templates.