18.00 часот - НОВ ХОЛАНДСКИ ДОКУМЕНТАРЕН ФИЛМ

„Гозаран - Минување на времето“

Во 2005 година иранскиот композитор Надер Машајеки е поканет да го води Техеранскиот симфонсиски оркестар. Знаел дека малата популарност на западната класична и современа музика меѓу Иранчаните ќе претставува препрека за остварување на неговиот сон, но не се надевал дека навистина ќе наиде на толку големи проблеми во доближувањето на овој тип музика кон неговите сограѓани.

Gozaran - Time Passing
документарен филм / 2011 година / 90 минути / колор / Дигитал Бета
Холандија / Германија
режија: Франк Шефер (Frank Scheffer).


20.00 часот - ЦИКЛУС ЈАПОНСКИ ФИЛМ

„Жена од маглата“

Фумикичи се жени на постари години, но и понатаму е несериозен и не влева доверба меѓу најблиските. Кога неговата сестра од него ќе побара да се погрижи околу внукот, да го истера на прав пат, Фумикичи го носи во кафеана и заедно се опиваат. Но внукот набргу ќе влезе во врска со лесна девојка која ќе забремени од него, а тоа ќе му го измени животот и ќе го натера да се предомисли околу завршувањето на студиите. И Фумикичи најпосле сфаќа дека треба да се соземе и да му помогне на момчето да ги донесе вистинските одлуки.

Woman of the Mist / Oboroyo no onna
игран филм / 1936 година / 111 минути / црно-бел / 35 мм
Јапонија

режија: Хеинозуке Гошо (Heinosuke Gosho);
сценарио: Тадао Икеда (Tadao Ikeda);
улоги: Тошико Изука, Шин Токудаиџи, Чоко Ида (Toshiko Iizuka, Shin Tokudaiji, Chôko Iida).