16.00 часот - ФИЛМОВИ ЗА ЧОВЕКОВИ ПРАВА

„Невен Мапуче: Силата на луѓето од земјата“

Народот Мапуче е домородно население во еден регион на Чиле. Филмот ја следи борбата на членовите на Мапуче да си ја повратат земјата што властите одамна им ја зеле, како и нивното противење на репресивната политика на системот.

Newen Mapuche: The Force of the People from the Land / Newen Mapuche, la fuerza de la gente de la tierra
документарен филм / 2011 година / 125 минути / колор / ДВД
Чиле
режија: Елена Варела (Elena Varela).

18.00 часот - СКОПСКИ ФИЛМСКИ ФЕСТИВАЛ - ЦИКЛУС ТАРКОВСКИ

„Огледало“

Филмот има нехронолошка структура и е комбинација на флешбекови, архивски снимки и поезија преку кои еден човек кој е на умирање се навраќа на битните моменти од својот живот. Детството, разводот, предвоениот период, размислувањата за руската историја и општеството, за семејните односи итн. се во форма на визуелен тек на свеста, поради што филмската критика го смета „Огледало“ за најличен и најтежок филм на Тарковски.

Zerkalo
игран филм / 1975 година / 108 минути / црно-бел / 35 мм
Русија

режија: Андреј Тарковски:
сценарио: Андреј Тарковски, Александар Мишарин (Andrey Tarkovskiy, Aleksandr Misharin);
улоги: Маргарита Терекхова, Филип Јанковски, Игнат Данилицев (Margarita Terekhova, Filipp Yankovsky, Ignat Daniltsev).


20.00 часот - НОВ ХОЛАНДСКИ ДОКУМЕНТАРЕН ФИЛМ

„Место меѓу ѕвездите“

Веќе 12 години режисерот Хелмрих го следи индонезиското семејство Сајмсудин од сиромашните предградија на Џакарта. Како и во двата претходни наградувани документарни филмови, на увид ги става сите битни сегменти од животот во Индонезија: корупцијата, верските конфликти, зависноста од коцкањето, генерацискот јаз, како и сè поголемата разлика помеѓу богатите и сиромашните.

Position Among The Stars
документарен филм / 2010 година / 109 минути / колор / Дигитал Бета
Холандија / Индонезија
режија: Леонард Ретел Хелмрих (Leonard Retel Helmrich).