Прекрасната чешка фикција „Смртоносен пронајдок“ е базирана врз роман на Жил Верн. Дејствието се случува во 19. век за време на Индустриската револуција. Злобниот гроф Артигас сака да го освои светот со помош на футуристичките откритија на киднапираниот научник, професорот Томас. Храбриот јунак Симон е заљубен во чесната и снаодлива ќерка на професорот, Жана, и прави се` што е во негова моќ за да ги поткопа плановите на грофот.

Во 1961 година во САД излезе англиската верзија на овој филм со наслов „Прекрасниот свет на Жил Верн“ (The Fabulous World of Jules Verne).

Филмот е во режија на Карел Земан и трае 83 минути.