„Кој се плаши од Кети Акер“ (Who's afraid of Kathy Acker), 15ч.

„Сакам врски и месо“ изјави панк-иконата и некогашната сексуална работничка Кети Акер кога ја прашаа за сајберсексот. Кети Акер беше контрадикторна фигура, препознатлива по фризурата и пирсинзите или според „Њујорк Тајмс“, писателка-одметничка.

Филмот е во режија на Барбара Каспар и трае 76 минути.

„Несвесно“ (Involuntary), 17ч. 

Филмот претставува серија на приказни за различните влијанија на моќта на групата врз поединецот. На прв поглед хумористична и симпатична, секоја ситуација отвора дискусија за вредноста на туѓото мислење. Човек кој е повреден на сопствената забава, продолжува со славење за да не им ја расипе забавата на другите; група тинејџерки се смешкаат и флертуваат, туркајќи се меѓусебно се` подлабоко во сексуалните игри; учителка спроведува психолошки експеримент врз учениците за да ја илустрира моќта на притисокот внатре во групата; на една пијанка, еден млад човек ја тестира спремноста на другарите да му наштетат на еден од нив.


Филмот е во режија на Рубен Остлунд и трае 98 минути.

„Прочитај, па запали“ (Burn after reading), 19ч.

Аналитичарот Кокс Озборн пристигнува на тајниот состанок во седиштето на ЦИА во Арлингтон. За жал, тој набрзо ја открива тајната - добива отказ. Кокс не ја прифаќа веста најдобро и се враќа во родниот Џорџтаун каде се занимава со пишување мемоари и пиење. Жена му Кејти е незадоволна, но не и изненадена. Таа има афера со Хари Фафер, оженет федерален шериф, и крои планови како да го остави Кокс. Во предградијата на Вашингтон, Линда Лицке одвај може да се сконцентрира на работата. Таа сонува за интензивна козметичка операција и му се доверува на еден колега.


Филмот е во режија на браќата Коен и трае 96 минути. 

„Посетата на бендот“ (The Band's visit), 21ч.

Станува збор за нискобуџетен филм со многу душа во себе. Премисата е едноставна, но ликовите се комплексни. Филмот ја раскажува приказната за еден египетски бенд од Александрија, составен од полицајци, кој е поканет да одржи концерт во Израел, но на патот дотаму, се губи во погрешен град.


Филмот е во режија на Еран Колирин и трае 89 минути.

„Тапанарот“ (The Drummer), 23ч.

Младиот бунтовник Сид е тапанар во еден рок бенд и е во врска со жена, чија неверност ја открива нејзиниот моќен маж. Бесен, мажот наредува да му се исечат двете раце на младиот тапанар. Квин, таткото на Сид, е брутален шеф на јапонска банда и го испраќа синот да се крие во планините. Таму Сид среќава група Зен перкусионисти и им се придружува. Втурнат во тој нов свет, постепено учи и станува посамоуверен  посконцентриран. И тогаш животот му отвора една дилема: дали да му остане лојален на своето семејство или себеси?


Филмот е во режија на Кенет Би и трае 119 минути.