Кога Ниче плачеше 30 ноември 2008 во 21 ч. [Мала станица]

Во недела, на 30 ноември, има интересен филм во Мала Станица.

„Кога Ниче плачеше“ е независен филм издаден во 2007 година. Главните улоги ги толкуваат Арман Асанте (Armand Assante), Бен Крос (Ben Cross) и Кетрин Виник (Katheryn Winnick). Филмот е адаптација на истоимената новела на Ирвин Јалом (Irvin D. Yalom). Режисер е Пинчес Пери (Pinchas Perry). Филмот верно ја следи приказната на книгата, но ни двете дела не се целосно базирани на реалноста.

Филмот е за терапевтската средба помоѓеу германскиот филозов Фридрих Ниче и австрискиот доктор Џозев Бројер. Иако главните ликови во филмот (и книгата) и некои факти се вистинити, сепак главниот заплет околу оваа средба никогаш не се случил и е целосна фикција.

(Никулец на мк.википедија.)

Филмот трае 105 минути.

Читај повеќе...

Чувар на плажата во зимскиот период, 29 и 30 ноември во 20 ч. [Кинотека]

Последниот филм во ноември во Кинотека е првиот игран филм на режисерот Горан Паскалевиќ. Сценариото е на Гордан Михиќ, а улогите ги играат Ирфан Менсур, Гордана Косановиќ, Данило Бата Стојковиќ, Мира Бањац и Дара Калениќ.

„Чувар на плажата во зимскиот период“ е филм за млад човек, израснат во растурен брак, кој сака да почне да живее свој живот. Образованието што го има не му овозможува да најде работа, па затоа ја прифаќа работата како чувар на плажа во зима.

Се жени со девојката која ја сака, верувајќи дека љубовта ќе ги преживее сите несреќи. Но, наскоро сфаќа дека и неговите родители почнале на таков начин, но животните проблеми го земале својот данок. Жена му го напушта, и татко му умира и младиот човек повторно е на почеток. Но сега е полн со горчина...

Филмот трае 90 минути.

Читај повеќе...

Кралот на слоновите, 27 и 28 ноември 2008 во 20 ч. [Кинотека]

Кралот на слоновите (The African Elephant) документарен филм од 1971 година во режија на Симон Тревор (Simon Trevor).

Чудно измешаната програма на Кинотека за овој месец привршува со документарен филм кој го следи животот на еден афрички слон од неговото раѓање, до неговата зрелост, документирајќи ги проблемите на целото стадо.

Филмот имал прекрасна фотографија.

Читај повеќе...

Последните крици на саваната, 25 и 26 ноември 2008 во 20 ч. [Кинотека]

„Последните крици на саваната“ (италјански: „Ultime grida dalla savana“, англиски: „Final Cry of the Savanna“), исто така познат како „La Grande caccia“ или на англиски „Savage Man Savage Beast“, е влијателен Мондо филм од 1975 година, во режија на Антонио Климати (Antonio Climati) и Марио Мора (Mario Morra). Сниман низ целиот свет, негова централна тема е ловот и интеракцијата помеѓу човекот и животното. Поточно, филмот документира различни форми на лов што можат денес да се најдат во светот и како и луѓето и животните можат да бидат и ловец и плен. Како и други Мондо филмови, режисерите претставуват дека документираат вистинско, бизарно и насилно однесување и обичани, иако многу од сцените всушност се поставени. Нарацијата во филмот е на италјанскиот новелист Алберто Моравиа (Alberto Moravia).

Ова е првиот филм од трилогијата за дивината на Климати и Мора. Другите два филм се „Див свет“ (Savana violenta, This Violent World) и „Благо и дивјачко“ (Dolce e selvaggio, Sweet and Savage). Најпознатио филм од трилогијата сепак е „Последните крици на саваната“ кој станал влијателен поради употребата на киноматографски техники кои ќе бидат употребени во бројно подоцнежни Мондо филмови. Ова најмногу важи за две сцени: напад на лав над турист во Намибија и убиство на домородец од група платеници од Јужна Америка. Овие се сметаат за вистинска снимка од човекова смрт.

Филмот, исто така, поттикнал ривалство помеѓу тимовите на Климати и Мора и браќата Алфредо и Анџело Кастиџљони. Овие два тима се предводници на втората генерација Мондо филмови.


(Никулец на мк.Википедија.)

Филмот трае 94 минути.

Читај повеќе...