„Танцувај со мене“


Алис и Нил би требало да имаат совршен одмор во својата викендичка на село, каде таа би работела со своите танцувачи, а тој би си пијуцкал чајче покрај езерото и би зјапал во небото. Ама не е така. Нил е на едногодишно работно отсуство поради низа тестови за нејасната здравствена состојба, а и Алис си има свои проблеми. Нивната љубов и посветеност никогаш не биле доведени во прашање... па, сепак, зошто се` е толку сложено?

„Танцувај со мене“ беше прикажан на „Браќа Манаки“ минатата година и наиде на одличен одзив кај публиката и критиката. Филмот е снимен за 10 дена, 15.000 фунти од страна на четиричлена екипа. Музиката е на Никола Коџобашија, а за танц-секвенците користена е музиката на Фолтин.

Dance with Me
ДВД/ 82`
Велика Британија, 2010 год.
Сценарио и режија: Саша Дамјановски
Директор на фотографија: Саша Дамјановски, Елоиз Парфит
Улоги: Исмаел Лудмен, Џоан Мурдок, Адам Напиер, Џејн Стантон



„Зелени страници“


Снимена од прва во еден 17-минутен кадар, оваа футуристичка комедија зборува за еден маж и една жена, кои работат во Одделот за податоци „Зелени страници“. Се запознаваат, се вљубуваат, водат љубов, раскинуваат, се мразат... и замолчуваат. Не разменуваат ниту еден збор. Деновите се сведуваат на телефонски повици и внесување податоци во именикот: име, адреса, телефонски број, тоа, па тоа!


Досега, филмот е прикажан на 11 фестивали.

Green Pages
ДВД/ 17`
Велика Британија, 2006 год.
Сценарио и режија: Саша Дамјановски
Директор на фотографија: Фил Маш
Улоги: Џоан Мурдок, Џејсон Кортис


* По проекцијата во среда, ќе следи дискусија со Саша Дамјановски.