Програма за 14 септември (вторник)

17:00-19:05

„Ледените воини“
Lodowy wojownicy/ 54`

Режија: Кристоф Виелицки и Јен Широки
Полска, 2008 година

Полските алпинисти се зачетници на зимскиот алпинизам на Хималаите и стојат зад првите зимски искачувања на осум планини повисоки од 8000м. Ова е поглед кон првите зимски успеси на Еверест, Кангченџунга, Лотце, Чо Оју, Даулагири, Манаслу, Анапурна и Шиша Пангма...


„Тропање на рајската порта“
Knocking on heaven’s door, 26`

Режија: Робин Калета
Полска, 2008/2009 година

Многумина сметаат дека BASE jumping-от (скокање со падобран од карпи, антени, мостови и згради) е најадреналинската активност. Откако ќе го погледнете овој филм во кој учествуваат најдобрите скокачи, ќе се уверите дека тоа е навистина така.


„Карстенц-седмиот врв“
Carstensz - the seventh summit, 45`

Режија: Павол Барабаш
Словачка, 2008 година

Филм за планината во џунглите на Нова Гвинеја на која паѓа снег, масив кој го запира здивот кога ќе се појави од облаците. Тоа е Пирамидата Карстенц или Ириан Џаја (4884 м) - највисоката точка во Австралија и Океанија, еден од Седумте врвови, колекцијата од масиви која ги вклучува највисоките планини на сите континенти. Прв пат ја искачил Хајнрих Херер (познат по првото искачување на северната страна на Ајгер и по книгата „Седум години во Тибет“) во 1962 година; таа и ден-денес го привлекува вниманието како една од најегзотичните и најтешко пристапните точки на планетата. Овој пат до него и до местата населени со легендарното племе Дамал, стигнува камерата на исклучителниот словачки режисер Павол Барабаш.

19:05-19:20 - Одмор

19:20-21:05

„Адреналин и турбуленција“
Adrenaline and turbulence, 51`

Режија: Андраш Колман
Унгарија, 2009 година

„Аеробатиката - акробатиката со параглајдер - за мене е танц во тродимензионалниот простор. Дури кога ќе добијам на височина и брзина и кога ќе почнам да ги изведувам сложените маневри, чувстувам дека живеам. Тогаш јас и падобранот стануваме едно.“ - кажува еден од авторите на овој филм.


„По стапките на Нансен. Преку Арктичкиот океан кон ‘ртот Норвегиа“
In Nansen footsteps. Across the Arctic ocean to cape Norvegia, 54`

Режија: Бјорг Аусланд и Томас Улрих
2009 година

Најголемиот поларен патешественик на нашето време, Норвежанецот Бјорг Аусланд и неговиот постојан партнер, Швајцарецот Томас Урлих, тргнуваат на патување по стапките на легендарниот норвешки научник, истражувач и патешественик Фритјоф Нансен и неговиот сопатник Хјалмар Јохансен. Нивниот стил е да патуваат само тие двајца, без помошна екипа, без воздушна поддршка или претходно организирани кампови. Филмот е снимен од самите учесници.