ПРОГРАМА НА КИНОТЕКАТА НА МАКЕДОНИЈА
ЈАНУАРИ 2009
16.01.2009 (петок)
Претставување на новореставрираните македонски филмови:
1. Македонија во слики (1923)
Арсениј Јовков
2. Ѓурѓовденски обичаи (1956)
Сценарио: Вера Кличкова Режија: Благија Дрнков
3. Рибарството во катлановско езеро (1964)
Сценарио и режија: Вера Кличкова

17 и 18.01.2009 (сабота и недела)
МЕСТО ЗА ВЉУБЕНИ
AMANTI
1968 год.
Италија, Франција
88 мин,
Режија: Виторио Де Сика (Vittorio De Sica)
Сценарио: Брумело Ронди, Џулијан Зимет (Brunello Rondi, Julian Zimet)
Актери: Марчело Мастројани, Феј Данавеј (Marcello Mastroiani, Fay Dunnaway)

Џулија е разведена креаторка која умира од неизлечива болест. И остануваат уште 10 дена живот и нив ги поминува во Италија гледајќи ТВ. На ТВ програм ќе го види Валерион и бидејќи ќе се сети дека се сретнале на аеродромот ќе го покани во својата вила, каде ќе одлучат да останат заедно неколку дена и да водат љубов. Џулија ја крие својата состојба од Валерион.
Прекрасен филм на еден од најголемите филмски режисери, Виторио Де Сика, кој покажува и извонреден усет за работа со актерите, овој пат тоа го докажува со соработката со Марчело Мастројани (секако не првата) и со Феј Данавеј.

20 и 21.01.2009 (вторник и среда)
ЧОВЕК ВО ДИВИНАТА
MAN IN THE WILDERNESS
1971
САД
104 мин.
Сценарио: Џек Де Вит (Jack De Witt)
Режија: Ричард Сарафијан (Richard C. Sarafian)
Актери: Richard Harris, Џон Хјустон, Џон Биндон, Бен Каритерс (Ричард Харис, John Huston, John Bindon, Ben Carruters)

На почетокот на 19 век, група трапери и трговци кои тргуваат со индијанците во Северна Америка, се враќаат кон цивилизацијата и прават очајнички обиди да ја победат суровата зџима која доаѓа. Кога нивниот водич Захари Бас е ранет од напад на мечка, тие одлучуваат дека е подобро да го остават зад себе. Но откога Захари се опоравува, се одлучува за освета.
Една од најдобрите актерски изведби на Ричард Харис во неговата пребогата кариера.

22 и 23.01.2009 (четврток и петок)
ДОГМА
DOGMA
1999
130 мин.
Режија: Кевин Смит (Kevin Smith)
Сценарио: Кевин Смит (Kevin Smith)
Актери: Бен Афлек, Мет Дејмон, Линда Фјорентино, Џејсон Мејс, Крис Рок (Ben Affleck, Matt Damon, Linda Fiorentino, Jason Mewes, Chris Rock)

Работничка во клиника за абортуси мора да запре два ангела да влезат во рајот и да го уништат универзумот. На пат на својата мисија таа се сретнува со пророците Џеј и Тивкиот Боб. Со помош на Руфус, 13-тиот Апостол, тие мора да ги спречат ангелите да влезат во рајот.
Прекрасна алегорија, комедија на Кевин Смит во која покажува дека има огромни количини фантазија и дека може да создава на сосема поинакво ниво од претходните негови дела и повторно сето тоа да биде забавно.

24 и 25.01.2009 (сабота и недела)
РОБИН ХУД И МЕРИЕН
ROBIN AND MARIAN
1976
САД
104 мин.
Режија: Ричард Лестер (Richard Lester)
Сценарио: Џејмс Голдман (James Goldman)
Актери: Шон Конери, Одри Хепберн, Роберт Шо, Ричард Харис (Sean Conery, Audrey Hepburn, Robert Shaw, Richard Harris)

Верзија на приказната за Робин Худ и Мериен. Овој пат приказната не води дваесетина години после настаните опишани во легендата, но и овој пат Робин Худ, заедно со својот ортак Малиот Џон, се враќа во Шервуд по крстоносните војни и се судира со стариот непријател Шерифот од Нотингам во спасувачка мисија на својата љубена Мериен.
Прекрасен филм на Ричард лестер познат по својата соработка со БИТЛСИ на филмот HELP, со Шон Конери и Одри Хепберн во улогите на вечно-романтичниот пар.

27 и 28.01.2009 (вторник и среда)
ДАВИД КОПЕРФИЛД
DAVID COPPERFIELD
1969
Велика Британија
104 мин.
Режија: Делбер Ман (Delbert Man)
Сценарио: Џек Пулман (Jack Pulman)
Актери: Робин Филипс, Ричард Атенбороу, Сирил Кусак, Сузан Хемшир, Лоренс Оливие (Robin Phillips, Richard Attenborough, Cyril Cusack, Pamela Franklin, Susan Hampshire, Wendy Hiller, Ron Moody, Laurence Olivier)

Одлична филмска адаптација на полуавтобиографската класика на Чарлс Дикенс за момче кое по смртта на својата мајка е изгонето од домот но сепак успева да ги победи сите предизвици. Филм на добитникот на окар за 1955 година за филмот МАРТИ, со прекрасен кастинг и сценографија која не враќа во англиската историја и времето на 19-сетиот век.

29 и 30.01.2009 (четврток и петок)
ДИЛИНЏЕР
DILLINGER
1973
САД
107 мин.
Режија: Џон Милиус (John Milius)
Сценарио: Џон Милиус (John Milius)
Актери: Ворен Оутс, Бен Џонсон, Мишел Филипс, Хари Дин Стентон, Ричард Драјфус (Warren Oates, Ben Johnson, Michelle Phillips, Harry Dean Stanton, Richard Dreyfuss)

Филм снимен спорд вистински приказни за Џон Дилинџер, ограбувач на банки од времето на економската рецесија во 30-сетите во Америка. Грабежите на банките го прават Дилинџер народен херој, а ФБИ го прогласува за државен непријател број 1. Во бандата на ДИлинџер се и Згодниот Флојд и Нелсон бебешкото лице.
Еден од најдобрите филмови на Милиус, еден од најзначајните претставници на бранот новохоливудски режисери со прекрасен, машки, кастинг.

31.01.2009 (сабота)
СЦЕНИ ОД БРАКОТ
SCENES FROM THE MALL
1991 год.
САД
89 мин.
Режија: Пол Мазурски (Paul Mazursky)
Сценарио: Роџер Симон, Пол Мазурски (Roger L. Simon, Paul Mazursky)
Актери: Бет Мидлер, Вуди Ален, Бил Ирвин (Bete Midler, Woody Allen, Bill Irwin.)

На прославата на својата 16-сет годишнина од бракот, Дебора и Ник одлучуваат да ги решат проблемите, но за разлика од другите семејства, тоа го прават јавно.
Филм на актерот/ режисер Пол мазурски, еден од најдискретните автори на комедии во американската продукција, кој е преокупиран со односите помеѓу паровите и затоа можеби во овој филм наоѓа и поддршка од Вуди Ален. Филмот, Сцени од бракот, не е далеку од ремек делото на Мазурски, Боб и Карол и Тед и Алис.