„Душка“ е холандски филм од 2007 година. Режисер на филмот е Јос Стелинг (Jos Stelling). Улогите ги играат Силвија Хокс (Sylvia Hoeks), Сергеј Маковетски (Sergei Makovetsky) и Џин Бервотс (Gene Bervoets).

Честопати се случува кога сте на пропатување да сретнете непознати луѓе, да им ја дадете вашата визит карта и да им кажете “... доколку си во околина, обавезно да навратиш“. Но што ако некој туѓинец ја сфати вашата покана здраво за готово и одненадеж тој стои пред вашата врата. Боб, Холанѓанец, во неговите 40ти, на еден филмски фестивал во Русија ја дал неговата визит карта на еден русин (Душка) надевајќи се дека никогаш нема да го види повторно. Но еден ден Душка навистина застанува пред вратата на Боб. Што сега? Боб го прима Душка внатре, но по некое време сфаќа дека тој нема намера да го напушти неговиот дом. Млада девојка која работи на благајна во кино е инспирација на Боб.