„Дуња и Деси во Мароко“, 18 ч. Кино Милениум
„Дуња и Деси во Мароко“ е холандски филм од 2008 година. Режисер е Дана Нехустан, А улогите ги играат Маријам Хасуни, Ева ван де Вијдевен, Кристина ван Стрален и др. Филмот е награден на повеќе фестивали, вклучувајќи го и тој во Сараево.
„Дуња и Деси во Мароко“ е драма за пријателство со полно срце помеѓу две најдобри другарки кои од различни причини патуваат за Мароко. Но, Мароко не е Амстердам и тие се соочуваат со најразлични хумористични и конфронтирачки ситуации со локалците, кои ги тераат да донесат важни одлуки за одредени работи во животот. Приказната поставува на многу шармантен начин прашања за модерниот свет, за младата генерација и нивната борба за наоѓање на место во општеството. Филмот е базиран на ТВ серии.
Филмот трае 96 мин.
„Скин“, 20:30 ч. Кино Милениум
„Скин“ е холандски филм од 2008 год. Ханро Смитсман (Hanro Smitsman) се јавува како режисер и сценарист. Улогите се на Џон Бујсман, Хус Дам, Роберт де Хог и др.
„Скин“ е семејна драма за еден холандски тинејџер Френки, еврејско момче кое станува следбеник на хулиганите со избричени глави. Таткото Симон, кој го преживеал Аушвиц, не успева да пронајде соодветен начин за да се справи со неговата траума ниту со неговата фамилија. Симон е интровертна личност и со тоа ја држи својата фамилија под тензија. Кога мајката умира од рак, оттуѓениот 17 годишен син се обидува да ги компензира неговите фрустрации и болка дружејќи се со другарите, пушејќи џоинт и одејќи во потрага по девојки. Моќна драма за парадоксот на младо и нормално момче од Ротердам кој станува хулиган со избричена глава.
Филмот трае 85 мин.
0 comments:
Post a Comment