2001: Вселенска Одисеја (2001: A Space Odyssey) е научно-фантаситечн филм од 1968 година режиран од Стенли Кјубрик (Stanley Kubrick), а напишан од Кјубрик и Артур Ч. Кларк (Arthur C. Clarke). Филмот се занимава со тематски елементи на човековата еволуција, технологија, вештачка интелигенција и вонземскиот живот, а е познат по научниот реализам, пионерските специјални ефекти, провокативната двосмислена и често надреална сликовитост, звук на местата на традиционалните наративни техники и минималното користење на дијалог.

Насловната секвенца започнува со слика на Земјата како изгрева над Месечината додека Сонцето изгрева над Земјата.

Врз слики од африканска пустина, стои титл „Зора на Човекот“. Племе од праисториски човеколики мајмуни се бори да преживее во сушната пустина. Едно утро, мистериозен правоаголен монолит се појавува во близина на нивната населба. По овој настан, еден човеколики мајмун (Даниел Рихтер - Daniel Richter) ја измислува првата алатка, кога зема коска од едно купче и открива дека може да ја употребува како палка за да крши други коски. Овој човеколики мајмун, кој сега стои делумно исправено, го предводи своето племе во одбрана на нивното поило од друго племе, истепувајќи со палката непријателски мајмун до смрт користејќи го новооткриеното оружје. Победоносниот човеколики мајмун го фрла оружјето во воздух, а во тој момент филмот скокнува во иднината во кадар кој ги поврзува коската со орбитирачки сателит направен од човекот.