ПРОЗОРЕЦ КОН ИТАЛИЈАНСКИОТ ФИЛМ, 14-19 март

„Никој не може да ми суди“

Алиса е на возраст од 35 години и живее со својот деветгодишен син Филипо во голема луксузна вила северно од Рим. По загубата на сопругот, ја измачува помислата дека може да го загуби старателството над својот син, бидејќи нема доволно пари. Во очајна потрага по заработувачка, без никакви претходни работни искуства, Алис се оддава на најстарата професија на светот. Не можејќи да се снајде во новата работа, за свој ментор ја зема елитната проститутка Ева, која ја обучува Алис и таа од аматерка станува висока професионалка. Во меѓу време Алис и нејзиниот син се преселуваат кај нејзиниот поранешен помошник Џулио, кој ù станува љубовник.



(Nessuno mi può giudicare)
игран филм, Италија
2011 година / 94 мин. / колор / ДВД

режија: Масимилијано Бруно (Massimilliano Bruno);
сценарио: Масимилијано Бруно, Едоардо Фалконе (Massimilliano Bruno, Edoardo Falcone);
улоги: Паола Кортелези, Раул Бова, Роко Папалео, Ана Фолјета, Катерина Гузанти (Paola Cortellesi, Raoul Bova, Rocco Papaleo, Anna Foglietta, Caterina Guzzanti).