МИМИЦА И БАУЕР: Гостување на Хрватската кинотека во Скопје и Битола

„Три Ани“

Пензионираниот железничар Марко Петриќ верува дека ја загубил својата ќерка за време на војната. Откако ќе добие информација дека детето сепак преживеало, ќе објави оглас во весник во надеж дека ќе ја пронајде. Набргу ќе сфати дека потрагата по изгубената ќерка не е воопшто едноставна. Имено, на огласот ќе се јават три жени по име Ана, сите три со различни сеќавања од минатото, со различни професии и различни секојдневија. За да открие која од нив е „вистинската“ Ана, Петриќ ќе мора повторно да мине низ својата траума од војната, како и низ траумите на сите три Ани.

„Три Ани“ е вториот реставриран филм од заедничкиот проект на Кинотеките на Хрватска и Македонија, покрај „Македонскиот дел од пеколот“.



игран филм, Република Македонија
1959 година, 93 мин., црно/бел, 35 мм

режија: Бранко Бауер (Branko Bauer);
сценарио: Слободан Глумац, Бранко Бауер, Арсен Диклиќ (Slobodan Glumac, Branko Bauer, Arsen Diklić);
улоги: Душан Стефановиќ, Светлана Мишковиќ, Марија Кон, Дубравка Гал, Бранко Татиќ (Dušan Stefanović, Svetlana Mišković, Marija Kohn, Dubravka Gall, Branko Tatić).